Ronaldo: 17 vjeç, më kërkoi Interi

Kristiano Ronaldo nuk ka fshehur asgjë në një intervistë të dhënë ekskluzivisht për "Corriere dello Sport-Stadio". "Kërcënon" Interin në prag të ndeshjes së kthimit në Champions ("Do të kualifikohemi ne") dhe, pikërisht për klubin zikaltër, konfirmon për herë të parë se në moshën 17-vjeçare, ishte shumë pranë kalimit në Milano. "Kur isha 17-18 vjeç ka pasur një interesim të Interit për mua dhe më kanë folur shumë për një transferim të mundshëm te kjo skuadër. Nuk më kujtohet se çfarë u fol atëherë, sepse kanë kaluar shumë vite, por sigurisht ishte një gjë për të cilën është diskutuar gjatë. Më pas më kërkoi Mançesteri dhe erdha këtu".