Rondon negocion largimin nga Malaga

Sulmuesi Salomon Rondon nuk i është bashkuar skuadrës në turneun përgatitor në Itali sepse është duke negociuar largimin e tij, ka njoftuar klubi nga La Liga të shtunën.

“Futbollisti ka mbetur në Costa del Sol sepse është duke diskutuar rreth një oferte të një klubi që ka shprehur interesim për transferimin e tij”, thuhej në komunikatën e publikuar në uebfaqen zyrtare të klubit (www.malagafc.com).

Mediet lokale raportuan se 22 vjeçari pritet ti bashkohet klubit rus Rubin Kazan në marrëveshje me vlerë prej 10 milionë eurosh.