Rosicky vazhdon me Arsenalin
Mesfushori i Arsenalit, Tomas Rosicky ka nënshkruar kontratë te re me klubin.
31 vjeçari iu bashkua gjigantit londinez në maj të vitit 2006 nga Borussia Dortmund dhe vazhdon të jetë futbollist i rëndësishëm në mesfushën e skuadrës nga Emirates.
“Është nder i madh për mua të vazhdoj kontratën me Arsenalin. E dua klubin dhe ndihem krenar që barti fanellën e Arsenalit. Këtu ndihem si në shtëpinë time, njësoj sikur në ditën e parë kur erdha në klub. Nuk mund të jem më i lumtur se kaq” deklaroi Rosicky për uebfaqen zyrtare të klubit.