Rreth 6000 emigrant hyjnë brenda ditës në Kapshticë

Korçë-Rreth 6000 shqiptarë emigrant në Greqi kanë hyrë gjatë 24 orëve të fundit në pikën kufitare juglindore të vendit, Kapshticë. Fluksi është mjaft i madh por deri tani nuk janë shënuar radhë në sportelet e kontrollit të dokumenteve.

Autoritetet bëjnë të ditur se janë marrë masa për të mos lejuar pritjen e gjatë të qytetarëve që kthehen për festa. Kjo nis edhe nga radhët e gjatë që u shënuan javën e kaluar. Sot për Krishtlindje ishte edhe dita kur udhëtuan më shumë emigrant, rreth 6000 vetë dhe mbi 1400 automjete për gjatë natës së djeshme dhe ditës së sotme.