Rreth botës më Valentino Rossi

E thënë kështu duket sikur sportisti i njohur është një personazh i novelës së Xhyl Vernit, “Rreth botës në 80 ditë” por në të vërtetë karrierës së tij mund ta krahasojmë me veprën e famshme të shkrimtarit francez. Në fakt Vale Rossi me motorrin e tij në kategroinë Moto GP i ka rënë qark perimetrit të tokës 2 herë në këto 10 vjet. Rossi sipas një llogarie të bërë nga Gazzetta dello Sport në prova dhe gara ka përshkuar gjithësej 85.944 kilometra. Kjo distancë e përktheyr në kohë është 21 ditë, 16 orë e 52 minuta. Vetëm këtë vit Vale ka bërë 4.964 kilometra, 1165 në gara dhe 3799 në prova. 5 kampionatet e fituara kanë bërë që Valentino Rossi të harxhojë 3520 goma dhe rreth 14 mijë litra benzinë. Kjo karrierrë e tij në Moto GP po shkëlqen pasi këtë vit është favoriti kryesor për t’u shpallur kampion dhe ka kohë të bëjë më shumë ndoshta dhe një tjetër xhiro rreth botës.