Rrezik përjashtimi për Çelsi e Liverpul

Liverpul e çelsi, por edhe Mançester Siti rrezikojnë të mos luajnë në Champions League, nëse nuk do të ulin nivelet e borxheve. Lajmi është bërë i ditur nga “Daily Mail”, që theksonte se drejtuesit e UEFA-s do të ndëshkojnë klubet me probleme të theksuara në bilance. Kjo do të thotë se disa prej klubeve më të mëdha angleze rrezikojnë pjesëmarrjen në aktivitetin më prestigjioz. Rregullorja zyrtare do të publikohet gjatë kësaj vere, ndërsa legjislacioni i ri për “fair-play financiar” do të hyjë në fuqi në sezonin 2012-2013.