Rrezikojne mbytjen 11 turiste nga Kosova, i shpeton policia

SKRAPAR - Nje vizite ne kanionet e Skraparit, per pak sa nuk i ka marre jeten 11 turisteve gjate pasdites se djeshme, si rezultat i vershimit te lumit Osum. Ishin 11 vizitore kosovare te cilet jane bllokuar ne kanionet e Skraparit, si pasoje e reshjeve te medha te shiut dhe shtimit te ujit te lumit. Pasditen e djeshme ne Drejtorin e Policise se Beratit mesohet te kete mberritur informacioni per bllokimin ne kanione te disa turisteve. Kane qene vete turistet, qe mesohet te kene kerkuar ndihmen e Policise se Corovodes, pas reshjeve te medha te shiut dhe shtimit te ujit te lumit, qe i ka bllokuar ne kanione. Policia ka organizuar menjehere punen dhe drejt Skraparit kane mberritur dhjetera forca. Drejtori i Policise se Beratit, Bernard Caushi tha se, njoftimi eshte marre rreth ores 17:00. Menjehere ka nisur puna per nxjerrjen e turisteve nga kanionet. Uniformat blu kane perdorur litare me ane te te cileve kane bere te mundur nxjerrjen e turisteve, nga nje lartesi prej 45 metrash te kanioneve. 20 uniforma blu nga Berati, por dhe ata te Skraparit per dy ore me radhe kane mundesuar nxjerrjen e turisteve nga kanionet duke i shpetuar ata nga cdo rrezik. Ndonese ne vendin e ngjarjes nuk kane munguar dhe forcat speciale alpine, turistet mesohet se jane mundesuar te nxirren nga kanionet ne kohe rekord nga uniformat blu te Beratit. Gjendja e tyre shendetesore eshte e mire dhe asnjeri prej tyre, nuk ka pesuar lendime, pervec tronditjes nga ngjarja. Mjetet e policise kane shoqeruar me pas per ne qytetin e Corovodes, turistet pas nxjerrjes nga kanionet. E. Azizolli

Kanionet

Vitet e fundit kanionet e Skraparit jane kthyer ne nje vend teper te vizitueshem. Qindra vizitore gjate stines se Veres, organizohen per shetitje me varka ne kanionet e Skraparit. Ne stinen e Veres rruga pershkohet pergjate shtrirjes se lumit Osum, nga qyteti i Beratit deri ne piken kryesore te kanioneve.