Rrihet i burgosuri te denuarit ne greve
Greve e pergjithshme ne burgun e Fushe-Krujes qe prej dy ditesh. Te gjithe te burgosurit jane futur ne greve pasi gardianet kane rrahur nje te denuar per grabitje me arme. E gjithe ngjarja mendohet se ka ardhur pasi shefi i regjimit te brendshem ka qene i dehur nderkohe qe Sherbimi i Kontrollit te Brendshem te Burgjeve ende nuk ka marre nje vendim per shkarkimin e tij.
Burimet nga burgjet shpjegojne se e gjitha kjo ka nisur qe mesnaten e se premtes duke u gdhire dita e shtune. Sipas te dhenave hetimore shefi i regjimit te brendshem ne burgun e Fushe-Krujes kishte shkuar i dehur ne qelite e te burgosurve. Ne keto kushte ka vizituar qeline e nje te denuari nga Lezha. Nga te dhenat e burgjeve mesohet se ai eshte Ilir Tafili nga Lezha i cili eshte denuar me 20 vjet burg per grabitje me arme. Ne kete kohe me ndihmen edhe te gardianeve te tjere shefi i regjimit te brendshem Kadri Berisha ka nisur te kontrolloje qeline. Gjate kontrollit ai ka filluar te hedhe perdhe sendet personale te personit te denuar nderkohe qe i denuari nuk levizte nga vendi. Ne ate kohe i denuari i ka kerkuar Berishes qe te kishte me kujdes ne hedhjen e plackave te tij pasi mund ti vendoste mbi krevat dhe jo ne dysheme. Por kjo fjale i ka kushtuar shume.
Ne ato momente sipas burimeve Kadri Berisha e ka goditur me shuplake duke u shprehur se pse duhej ta keshillonte ai se cfare do te bente. Me pas ne ndihme te shefit kane ardhur edhe disa police te tjere te burgut te Fushe-Krujes te cilet e kane goditur me grushte dhe shqelma te denuarin. Pas rrahjes se mire qe i kane bere te denuarin Ilir Tafili e kane derguar ne izolim. Menjehere te nesermen ai eshte ankuar se e kishin mbyllur ne izolim te padrejte dhe ka kerkuar te kontaktoje me Sherbimet e Kontrollit te Brendshem te Burgjeve. Menjehere ne burgun e Fushe-Krujes SHKB-a ka marre kontakt me te denuarin.
Gjate deklarates se tij Ilir Tafili ka rrefyer gjithe historine duke shpjeguar se cfare kishte ndodhur nderkohe qe ishte me shenja dhune per shkak te rrahjes nga policet e burgut. Madje ekspertet kane fotografuar shenjat e tij dhe i kane marre per prova. Por nga ana tjeter ka kundershtuar shefi i regjimit te brendshem duke pretenduar se eshte goditur nga i denuari. Madje deklaraten e tij e kane mbeshtetur edhe policet e tjere duke u shprehur se e kishin goditur sepse nuk e ndanin dot nga Kadri Berisha. Ne keto kushte duke marre deklaratat e kunderta SHKB-ja ka nisur hetimet ne lidhje me kete rast.
Sipas te dhenave pas marrjes se deklaratave jane sekuestruar edhe kasetat e kamerave te sigurise. Nga nje vleresim paraprak ka rezultuar se shefi e kishte goditur me pare te denuarin dhe me pas policet e tjere duke u bere nje perleshje brenda qelise se tij. Per kete arsye te gjitha materialet jane derguar per vleresim dhe sot pritet te merret masa ndaj shefit te regjimit te brendshem ne burgun e Fushe-Krujes.
Megjithate te denuarit nuk e kane pritur dot diten e sotme duke marre shkas nga dhuna e ushtruar ndaj te burgosurit lezhjan. Ne keto kushte ata kane nisur nje greve qe nga mengjesi i se shtunes dhe ende nuk e kane ndalur. Ata kane kerkuar me cdo kusht shkarkimin e shefit te regjimit te brendshem duke pretenduar se ai ishte treguar i dhunshem edhe ne rastet e tjera. Sipas pretendimeve te tyre ai vinte i dehur dhe bente reprezalje ne qelite e te burgosurve dhe shpesh here i ka goditur. Vec ketij fakti te burgosurit e Fushe-Krujes kane kerkuar edhe permiresim te kushteve duke ngritur nje sere pretendimesh dhe per kete arsye jane shprehur se nuk dalin nga greva derisa te kete ndryshim te situates.