Rritet numri i te papuneve ne France

Radhët e gjata të të papunëve para zyrave të punësimit në francë tashmë janë një pamje e përditshme, në një kohë që numri i të papunëve ka shkuar në tre milionë. Një milionë më shumë vetëm në katër vjet në vendin e dytë në europë për nga ekonomia. E ndërsa ky numër mbetet ende në rritje, ekonomistët nuk mund të fshehin më pesimizimin e tyre. Këta të fundit thonë që fatkeqësisht vendi ende nuk ka provuar kulmin e krizës të paktën nga ana sociale. Kjo sipas tyre do të thotë që numri i të papunëve do të rritet edhe më shumë. Kursimi dhe varfëria po i tremb francezët të cilët gjithnjë kanë qenë të dalluar për shërbimet sociale. Që nga viti 2008 në industri kanë humbur vendet e punës 280 mijë persona, gati 10 për qind e forcës punëtore. Sipërmarrjet e mëdha janë në krizë, dhe 100 mijë vendet e punës që janë premtuar nga qeveria e Hollond do të rëndojnë në bilancin e shtetit, në një kohë që duhet një rritje ekonomike për rimëkëmbjen dhe për të shtyrë sipërmarrjet që të hapin vende pune. Nuk janë të shumtë frncezët që ende i besojnë premtimeve të qeverisë, në një kohë që Gjermania po vazhdon e vendosur reformat e saj. Franca në pamje të parë është më mirë se shumë vende të tjera, me sipërmarrjet e mëdha që nxjerrin fitime, me turizmin mnë zhvillim, dhe me qëndrueshmërinë e tregut të pasurive të patundshme. Por ekuilibrat janë shumë të brishtë. Vitin e ardhshëm rritja ekonomike sipas qeverisë franceze do të jetë 0.8 për qind, ndërkohë që ekonomistët vlerësojnë se do të jetë më pak se 0.4 për qind.