Rritja e ekstremizmit, Rompuj: Kërcënuese për Eurozonën

Presidenti i Bashkimit Evropian, Herman Van Rompuj, ka dënuar rritjen e lëvizjeve ekstremiste dhe të populizmit në Evropë, duke i konsideruar ato si kërcënim për lëvizjen e lirë të njerëzve brenda bllokut 27-anëtarësh.

Duke folur para Parlamentit rumun në Bukuresht, Rompuj tha se forcat nacionaliste dhe ekstremiste “janë në rritje” dhe se ato kërcënojnë integrimin e mëtejshëm evropian.

Komentet e tij vijnë pasi kandidatja e partisë anti-imigrante, Fronti Kombëtar, fitoi 18 për qind të votave në raundin e parë të zgjedhjeve presidenciale në Francë.

Ministrat e Brendshëm të BE-së pritet të diskutojnë të enjten propozimin e Francës dhe të Gjermanisë për të kthyer kontrollet e përkohshme kufitare brenda zonës Shengen.

Pranimi i anëtareve më të reja të BE-së, Rumanisë dhe Bullgarisë, në zonën e Shengenit është shtyrë në mënyrë të vazhdueshme, për shkak të pretendimeve se dy shtetet nuk kanë mbrojtje të mjaftueshme të kufirit kundër migracionit të paligjshëm.