Rruga Durres-Kukes, "Bechtel" con materiale ne prokurori

Prokuroria e Pergjithshme merr nje pjese te dokumentacioneve te kerkuara per tenderin e rruges Durres-Kukes. Firma fituese "Bechtel" ka depozituar disa dite me pare materialet shkresore te kerkuara dhe ka bere te ditur se do te postoje edhe pjesen e mbetur se shpejti. Pas kerkesen se bere kohe me pare nga ana e prokurorit qe po heton mbi abuzimet e dyshuara me tenderin per ndertimin e ketij segmenti rrugor, firma amerikane "Bechtel" ka vene ne dispozicion te organit qendror te akuzes nje pjese te dokumenteve, qe nuk kane qene ne duart e hetuesve me pare dhe ishin cilesuar si te nevojshme. Ndersa mesohet se jane dorezuar materialet qe flasin per firmen dhe dokumentacionet e konkurrimit per kete investim, behet e ditur se ende nuk eshte dorezuar projekti i kesaj rruge, qe pritet te mberrije ne ditet e ardhshme. Burime zyrtare thane se do te verifikohen edhe vlerat e pretenduara te abuzimit ne lidhje me blerjen e lendes qe nevojitej per ndertimin e kesaj rruge. Nga ana tjeter, organin qendror i akuzes, qe po heton ndertimin e ketij segmenti rrugor, nuk ka marre ende dokumentet e mbledhjes se qeverise, per shkak se eshte konsideruar si sekret shteteror. Dosja hetimore per rrugen Durres-Kukes ka si persona nen hetim ish-zevendesministrin e Transporteve, Armand Teliti, ish-drejtoreshen e Pergjithshme te Rrugeve, Lejla Saraci, si dhe ish-drejtori i Drejtorise Juridike ne Ministrine e Transporteve, Andi Toma, aktualisht drejtor i Pergjithshem i Rrugeve. Kater muaj me pare, Prokuroria e Pergjithshme i kerkoi Kuvendit te Shqiperise heqjen e imunitetit te ish-ministrit te Transporteve, Lulzim Basha, i cili u vu ne dispozicion te organit te akuzes.

Denoncimi qe hapi hetimet

Organi qendror i akuzes eshte ne pritje te ketyre dokumenteve per t'i dhene fund hetimeve te rruges Durres-Kukes. Denoncimi per kete investim u be gjate vitit 2007, nga ish-drejtori ne Ministrine e Transporteve, Arben Mece, qe depozitoi disa dokumentacione ne prokurori, ndersa ish-kryeprokurori Theodhori Sollaku urdheroi hetimin e ceshtjes.

R.Caushaj