Rruga Elbasan-Tirane qeveria kthen syte nga vendet Islamike

Ministria e Financave firmosi marreveshjen me Banken Islamike per Zhvillim per marrjen e nje kredi prej 222.7 milione dollare me te cilen do te financohet nje pjese e segmentit te rruges Elbasan-Tirane. Kredia ka nje afat 17 vjecar dhe jepet me nje interes rreth 5 per qind.

Kjo eshte nje nder kredite me te medha te marra gjate ketij viti nga qeveria por duket se nuk do te jete e vetmja. Nenshkrimi i kesaj marreveshje i ka hapur rruge edhe lobimit per sigurimin e pjese tjeter te parave per ndertimin e plote te rruges Elbasan-Tirane.
Qeveria do te perdore Banken Islamike per te lobuar ne gjetjen edhe te rreth 130-150 milione dollareve te tjere. Kjo shume do te mundesonte mbulimin e kostos se ketij segmenti i cili perllogaritet te jete rreth 400 milione dollare. Nese do te arrihen edhe keto marreveshje e gjithe rruga do te jete e financuar me fonde te vendeve arabe.
Rruga do te financohet me tre segmente. Segmenti i pare me gjatesi 13 kilometra fillon tek unaza e Tiranes deri ne hyrjen e tunelit. Segmenti i dyte eshte vete tuneli i Kerrabes ndersa segmenti i trete eshte gjatesia nga dalja e tunelit deri ne hyrje te qytetit te Elbasanit.

Shuma per te cilen do te ndermjetesoje Banka Islamike per Zhvillim eshte ne diskutim midis 130 dhe 150 milione lekeve. Nga keto 100 milione dollare i jane kerkuar Fondit te Abu Dabit 15-25 milione dollare i jane kerkuar Fondit Saudit per Zhvillim dhe 15-25 milione dollare dhe 15-25 dollare te tjere i jane kerkuar OPEK-ut.
Kjo eshte shuma me e madhe qe Banka Islamike per Zhvillim i ka dhene Shqiperise. Te dhenat e tabelave te stokut te borxhit shqiptar tregojne se per momentin Shqiperia i ka kesaj banke nje borxh prej rreth 76.6 milione euro.