Rruga e bllokuar zbulon droge e arsenal armesh
SHKODER- Rruga e bllokuar con ne pranga dy shtetas njeri per droge dhe tjetri per posedim te armeve. Arrestimi u krye pas operacionit te zhvilluar nga policia e Shkodres ne bashkepunim me komisariatin e policise se Malesise se Madhe. Burime te policise bene te ditur se Kreshnik Ukaj 30 vjec dhe Pjeter Nilaj 50 vjec jane shtetasit qe u arrestuan ne oret e vona te se enjtes. Gjate kontrollit te ushtruar eshte bere e mundur edhe sekuestrimi i 5 kg bimeve narkotike kanabis sativa si dhe te nje automatiku e te nje pistolete se bashku me municionet e tyre. Rreth ores 2230 te se enjtes si rezultat i nje pune te mireorganizuar Drejtoria e Policise se Qarkut Shkoder ne bashkepunim me Komisariatin e Policise se Malesise se Madhe finalizoi me sukses operacionin e koduar Rruga e Bllokuar. Ne kuader te ketij operacioni u be i mundur arrestimi ne flagrance i shtetasve Kreshnik Ukaj 30 vjec lindur dhe banues ne fshatin Vukel komuna Kelmend e rrethit Malesi e Madhe pasi gjate kontrollit te ushtruar ne banesen e tij u gjeten dhe u sekuestruan ne cilesine e proves materiale nje sasi prej 5 kg bime kanabis sativa. I arrestuar eshte edhe Pjeter Nilaj 50 vjec lindur dhe banues ne fshatin Nikc te komunes Kelmend te rrethit Malesi e Madhe. Arrestimi i tij u be per arsye se pas kontrollit te ushtruar ne banesen e tij u gjeten dhe u sekuestruan nje pistolete tip Zastava me disa fisheke si dhe nje automatik tip Zastava me 24 fisheke te cilat i mbante pa leje beri te ditur policia e Shkodres. Mesohet se arrestimi i te dy personave eshte kryer pas sinjaleve te siguruara ne rruge operative nga ana e agjenteve te policise qe operojne ne keto zona te thella. Ata kishin siguruar te dhena paraprake dhe pas dyshimeve per vertetesine e tyre u krye edhe operacioni i koduar Rruga e bllokuar i cili rezultoi te ishte i suksesshem me arrestimin e dy personave dhe sekuestrimin e sasise se lendes narkotike por edhe te armeve. r.d