Rruga e premtuar, tre fshatra ne proteste

Fier- Banoret e disa fshatrave ne komunen Portez te Fierit, kane nisur serine e protestave ne kerkim te ndertimit te rruges qe i nxjerr per ne qytet. Per kete shkak ata bojkotuan edhe zgjedhjen e pergjithshme te 28 qershorit, duke akuzuar politikanet se i kane mashtruar per vite te tera, duke iu bere premtime boshe. Ne protesten e djeshme ata paralajmeruan se do te dalin ne tubime te perditshme, deri ne plotesimin e kerkeses imediate, deri ne bllokim te rruges kombetare. "Pasi bojkotuam votimet e 28 qershorit, askush nuk u kujtua qe te jepte nje zgjidhje per problemin tone, megjithese protestuam disa here", shprehen banoret. Ne pretendimet e tyre thuhet se behet fjale per 9 kilometra rruge rurale qe sjell veshtiresi ne qarkullimin e mijera banoreve.

Banoret e fshatrave Kraps, Plyk dhe Mbyet, kane vendosur t'i rikthehen protestave pas heshtjes se pushtetareve vendore dhe qendrore, qe i kane lene ne harrese kerkesat e tyre. Ne vitin 2005 nisi ndertimi me nje fond prej 103 milione lekesh i aksit rural, por sipas banoreve dhe drejtuesve te komunes Portez, u ndertuan vetem 100 metra dhe pas zgjedhjeve investimi u nderpre ne menyre te cuditshme dhe nuk pati asnje sqarim per shkaqet e terheqjes, se ku perfunduan keto para.