Rruget, uji dhe plehrat ne komunen e Golemit, nje gangrene per pushuesit

Sapo hyn ne plazhin e Golemit pergjate nje rruge jo me gjate se 2 km, veren se mikpritja e hoteleve apo resorteve luksoze zbehet para infrastruktures rrugore dhe asaj turistike. Pushuesit shoqerohen nga pluhuri qe ngrihet per shkak te zvarritjes qe po i behet rinkostruksionit te saj. Rruga Mali i Robit-Qerret ka mbetur peng i burokracise se Komunes Golem pasi prej vitesh nuk eshte bere asgje, duke sjelle pasoja per biznesin, qe cdo vit investon miliona euro. Mungesa e ujit te pijshem e rendon akoma me shume situaten ne kete zone turistike. Firma qe ka marre persiper rikonstruksionin e rruges, ka demtuar rrjetin e ujesjellesit duke lene ne thatesire mijera banore dhe pushues te zones. Nje problem qe duket se ka lene indiferente Drejtorine e Ujesjellesit dhe pushtetin lokal. Perballe kesaj situate, askush nuk po mban pergjegjesi per lenien pa uje te pijshem te mijera familjeve. Dy vite me pare u perurua ujembledhesi i Manskurise, i cili do te furnizonte me uje te gjithe bregdetin, por nuk eshte vene ne funksion te plote per te shkak te keqmenaxhimit nga ana e ujesjellesit. Mungeses se ujit te pijshem, i shtohen edhe prania e plehrave, qe kane zaptuar rruget. Prej ditesh ato nuk jane larguar nderkohe, qe era e rende eshte bere padurueshme per pushuesit. Komuna Golem ka lene vetem ne duart e nje firme pastrimin e plehrave, duke injoruar faktin se gjate muajve te veres ky plazh mbi popullohet. E duke mos dashur te shpenzoje disa para me teper per pastrimin nga mbeturinat, kjo komune po i ben reklamen me te keqe turizmit, duke demtuar jo vetem zhvillimin e tij, por edhe krijuar nje imazh te keq per ate cka ofron Shqiperia turistike ne plazhet me te frekuentuara te saj.