Rubik, dhunohen mbi 20 varre te fshatrave

Grabitesit kane vjedhur vazo me perberje bakri, bronzi apo materiale te tjera qe kane vlere ne shitje

RUBIK - Mbi 20 varre jane bere pre e grabitjeve nga persona te paidentifikuar para disa ditesh ne afersi te kishes françeskane te Rubikut. Vihet re se ne varre jane grabitur vazo me perberje bakri, bronzi e materiale te tjera qe kane vlere ne shitje. Madje, para se grabitesit te hynin tek varrezat, kane shkaterruar dhe rrethimin prej hekuri duke e grabitur dhe ate ne disa metra gjatesi.

Kryetari i fshatit Vaushkjeze, Mark Simoni, tha se ky eshte nje dhunim i rende qe u behet varreve, duke rrefyer se jane demtuar dhe varret e prinderve te tij, ku jane zhdukur ornamentet e vena prej bronzi, kryqe e te tjera zbukurime. "Kisha pervjetorin e vdekjes se babait para nje jave, ndersa kur shkova keto dite pashe se varri ishte demtuar rende, ku jane prishur germat e vena mbi pllaken e mermerit, e te tjera gjera zbukuruese", -thote Simoni.

Banoret e Rubikut te shqetesuar nga ky fenomen qe ka qene i pranishem dhe here te tjera, u shprehen te acaruar nga dhunimi i bere, por dhe heshtja e policise, pasi grabitje ka pasur dhe raste te tjera por askush nuk eshte marre me kete gje per te zbuluar autoret.

Duket se varferia, por dhe etja e pikave te grumbullimit te ketij lloj malli bronzi apo bakri, kane bere qe individe te caktuar te mos ndalen para asgjeje deri ne dhunimin e vendeve te tilla, te shenjta per banoret.