Ruci: Shpetimi i Berishes, nenshkrimi i kompromisit
Opozita socialiste nuk terhiqet nga kerkesa per transparencen e zgjedhjeve. Madje duke theksuar faktin, se mos berja e saj do te mbaje peng proceset integruese te vendit. Kryetarit i grupit socialist, Gramoz Ruci, tha dje ne Kuvend se me qendrimin e palekundur per te mos bere transparence, mazhoranca dhe kryeministri Sali Berisha, po "vrasin" endrren e shqiptareve per liberalizim te vizave dhe per integrimin e vendit. "Jane mbushur dy jave nga takimi ne Strasburg dhe do te ishte mire qe kryeministri Sali Berisha, te kishte ardhur ne Kuvend me nje lajm te mire per zgjidhjen e krizes. Por nuk e beri kete. Pse po e vrisni endrren e shqiptareve per integrimin dhe viza", paralajmeroi Ruci. Sipas tij, qeveria duhet te ulet dhe te beje detyrat e shtepise per te nxjerre vendin nga kriza politike dhe ekonomike. Ruci i beri thirrje kryeministrit se duhet te hape driten jeshile per zgjidhjen e krizes. "Ne vend qe te beni hapa konkret drejt bashkepunimit per rrugen e integrimit te vendit, ju flisni akoma me frymen e antiopozitarizmit. Ju duhet te jeni ai qe te beni hapin dhe te ndizni driten jeshile per zgjidhjen e ngercit", ftoi Ruci. Ai kerkoi nga Kryeministri qe te mos flase me per zgjedhje te lira dhe te ndershme, sepse nese beson vertete se jane te tilla, atehere le te lejoje transparencen e tyre. Nga ana tjeter, Arben Ahmetaj, ritheksoi ne seance, se nderkombetaret kane vene ultimatum per zgjidhjen e ngercit politik per proceset integruese. "Nderkombetaret kane vene ultimatume te qarta. Edhe ne Samitin e Sarajeves nuk u dha date per liberalizimin e vizave, por u sugjerua normalizimi i situates politike", tha Ahmetaj. Po keshtu edhe Damian Gjiknuri u shpreh se selia roze e ka bere hapin e saj per zgjidhjen e ngercit politik. Tashme i takon mazhorances qe te levize dhe te gjeje kompromisin. "Ne momentin qe nga nderkombetaret pritet zgjidhja e ngercit politik, mazhoranca ndermerr te tjera hapa ne kundershtim te hapur me rregulloren. Po beni tentativa dashakeqe per te hequr nje element kyc te demokracise. Voten e fshehte per kandidatet", tha Gjiknuri. Edhe deputetja e PS-se Arta Dade, duke u ndalur tek proceset integruese te vendit, tha se ne Samitin e Sarajeves, u shprehen shqetesime te thella per shtetin ligjor dhe reformat ende te parealizuara. "Ne pershendesim vendimin per vizat, por sjellja e Berishes, bie ndesh si me te ashtu edhe me Samitin e Sarajeves. Komisioni shtyu miratimin e rezolutes, vetem per shkak te mos arritjes se kompromisit politik ne vend. Vetem nje gje e shpeton Berishen, te nenshkruaje kompromisin me opoziten dhe te hetoje me transparence zgjedhjet. Ne te kundert, te marre pergjegjesine historike ne marredheniet e integrimin e vendit", theksoi Dade. R. Rapushi