Ruli: Ja programi i mbjelljes së ullishtave të reja
07/10/2009 Konferenca me USAID-in
Qeveria po zbaton programin për ullirin nga do të përfitojnë mbi 30 mijë fermerë në 9 qarqe që prodhojnë ullinj në vendin tonë. Gjatë Konferencës Kombëtare “Mbi industrinë e përpunimit të ullirit në Shqipëri”, organizuar nga USAID-i, ministri i Bujqësisë, Genc Ruli, theksoi mbështetjen e qeverisë për zhvillimin e prodhimit dhe përpunimit të ullirit. “Programi i katër viteve të ardhshme do të rrisë eficencën e produktivitetit dhe teknologjisë së prodhimit të ullirit dhe përpunimit të tij”, - tha Ruli. Financimi nga totali i buxhetit për skemat e mbështetjes financiare të drejtpërdrejtë për fermerët, sipas ministrit, do të rritet me 15% -20% në vit duke shkuar në dyfishim deri në fund të këtij mandati. Drejtoresha e USAID-it në Tiranë, Roberta Mahoney, vuri në dukje rëndësinë ekonomike të kultivimit dhe prodhimit të vajit të ullirit, e cila, sipas saj, kërkohet cilësi e standarde në çdo stad të kultivimit e përpunimit. Fermerë dhe përfaqësues të bujqësisë nënvizuan faktin e rritjes së standardeve të përpunimit të ullirit, si një kusht për përmirësimin e cilësisë së vajit të ullirit në treg dhe eksportit të tij.
Takim me ambasadorët
Ministri Prifti: Do të nxisim investimet e huaja
Ministri i Ekonomisë, Dritan Prifti, ka zhvilluar takime me disa përfaqësues të trupit diplomatik në Tiranë. Sipas burimeve zyrtare ministri i METE-s ka takuar drejtoreshën e USAID-it, Roberta Mahoney, ambasadorin e Spanjës, Manuel Montobbio, ambasadorin e Italisë, Saba D’Elia, dhe ambasadoren e Maqedonisë, Blagorodna Mingova Krepieva. “Ministri Prifti shprehu prioritetet dhe objektivat e qeverisë, në veçanti për të gjitha pasuritë minerare, energjetike, gjeotermale, si edhe për vënien në funksion të bursës së Shqipërisë, duke krijuar një mjedis sa më të përshtatshëm dhe tërheqës për investitorët e huaj”,- thekson njoftimi i Ministrisë së Ekonomisë. Qëllimi i këtyre takimeve ishte jo vetëm prezantues, por edhe një kërkesë për rritjen e mundësive të bashkëpunimit dypalësh. Ministri Prifti ka evidentuar se çdo marrëveshje dypalëshe e çdo lloji do të ishte jo vetëm një përfitim ekonomik, por edhe një eksperiencë ndërkombëtare, në të cilën mbështetet zhvillimi afatgjatë.
Qeveria po zbaton programin për ullirin nga do të përfitojnë mbi 30 mijë fermerë në 9 qarqe që prodhojnë ullinj në vendin tonë. Gjatë Konferencës Kombëtare “Mbi industrinë e përpunimit të ullirit në Shqipëri”, organizuar nga USAID-i, ministri i Bujqësisë, Genc Ruli, theksoi mbështetjen e qeverisë për zhvillimin e prodhimit dhe përpunimit të ullirit. “Programi i katër viteve të ardhshme do të rrisë eficencën e produktivitetit dhe teknologjisë së prodhimit të ullirit dhe përpunimit të tij”, - tha Ruli. Financimi nga totali i buxhetit për skemat e mbështetjes financiare të drejtpërdrejtë për fermerët, sipas ministrit, do të rritet me 15% -20% në vit duke shkuar në dyfishim deri në fund të këtij mandati. Drejtoresha e USAID-it në Tiranë, Roberta Mahoney, vuri në dukje rëndësinë ekonomike të kultivimit dhe prodhimit të vajit të ullirit, e cila, sipas saj, kërkohet cilësi e standarde në çdo stad të kultivimit e përpunimit. Fermerë dhe përfaqësues të bujqësisë nënvizuan faktin e rritjes së standardeve të përpunimit të ullirit, si një kusht për përmirësimin e cilësisë së vajit të ullirit në treg dhe eksportit të tij.
Takim me ambasadorët
Ministri Prifti: Do të nxisim investimet e huaja
Ministri i Ekonomisë, Dritan Prifti, ka zhvilluar takime me disa përfaqësues të trupit diplomatik në Tiranë. Sipas burimeve zyrtare ministri i METE-s ka takuar drejtoreshën e USAID-it, Roberta Mahoney, ambasadorin e Spanjës, Manuel Montobbio, ambasadorin e Italisë, Saba D’Elia, dhe ambasadoren e Maqedonisë, Blagorodna Mingova Krepieva. “Ministri Prifti shprehu prioritetet dhe objektivat e qeverisë, në veçanti për të gjitha pasuritë minerare, energjetike, gjeotermale, si edhe për vënien në funksion të bursës së Shqipërisë, duke krijuar një mjedis sa më të përshtatshëm dhe tërheqës për investitorët e huaj”,- thekson njoftimi i Ministrisë së Ekonomisë. Qëllimi i këtyre takimeve ishte jo vetëm prezantues, por edhe një kërkesë për rritjen e mundësive të bashkëpunimit dypalësh. Ministri Prifti ka evidentuar se çdo marrëveshje dypalëshe e çdo lloji do të ishte jo vetëm një përfitim ekonomik, por edhe një eksperiencë ndërkombëtare, në të cilën mbështetet zhvillimi afatgjatë.