Durres, plackiten zyrat e PS-se, mister autoret

DURRES- Persona ende te paidentifikuar kane plackitur zyrat e deges se Partise Socialiste ne Durres. Ngjarja mendohet se ka ndodhur duke zbardhur dita e djeshme, ndersa u konstatua nga punonjesit ne momentin qe jane hapur zyrat. Burime policore thane se regjistruan denoncimin e PS-se lokale duke nisur hetimet dhe kryer keqyrjet ne vendngjarje me eksperte per gjurmet e gishterinjve. Gjate sulmit autoret kane demtuar deren dhe ambientet e brendshme, duke marre prej andej nje kompjuter laptop dhe sende te tjera me vlere apo pajisje qe gjendeshin aty. Menjehere pas ngjarjes ka ardhur edhe reagimi i kreut vendor te Partise Socialiste te Durresit, Gazmir Bizhga, i cili i beri apel policise per zbardhjen e krimit dhe zbulimin e autoreve. Bizhga kembenguli se krimi nuk eshte ordiner, por me prapavije politike. "Duket si nje veprim ordiner, por nga pikepamja e bazes se te dhenave qe eshte marre, veprimi ka qene selektiv dhe qe le vend per nje hetim me te thelle. Besoj se kjo eshte kartolina me e mire e vitit", tha kreu i PS-se, duke akuzuar qeverine. Ne emer te socialisteve durrsake Bizhga beri apel per zbardhjen e ngjarjes.