Rusia në flakë, të paktën 34 të vdekur

Të paktën 34 persona kanë humbur jetën, si pasojë e zjarreve katastrofike që kanë përfshirë rajone të tëra në Rusi.

Ministria për katastrofat në Moskë konfirmon se brenda 24 orësh janë raportuar 500 zjarre të reja, të përmasave të ndryshme.

Rreth 2 mijë shtëpi janë shkatërruar nga flakët që kanë përfshirë mbi 100 mijë hektarë pyje.

Pjesa perëndimore e Rusisë është përfshirë që prej një muaji nga një mot i nxehtë i paprecedentë, me temperatura që ditët e fundit kanë arritur deri në 40 gradë Celcius.