Rusia po voton për president

Qendrat zgjedhore janë hapur në të gjithë Rusinë, ndërsa këtë të diel po votohet për presidentin që do të drejtojë vendin në gjashtë vitet e ardhshme.

Sondazhet paraprake flasin për një dominim të dukshëm të Vladimir Putinit, i cili pritet të rikthehet në krye të Kremlinit, pas katër vitesh në detyrën e kryeministrit.

Ndryshimet kushtetuese, të cilat hoqën kufizimin në dy mandate dhe zgjatën mandatin nga katër në gjashtë vjet në vitin 2011, lejuan Putinin që të konkurronte. 59-vjeçari ka mbajtur pozicionin më të lartë shtetëror në Rusi edhe në periudhën 2000-08.

Putin është përballur me kundërshti të shumta përpara këtyre zgjedhjeve, lidhur me parregullsitë e regjistruara në zgjedhjet parlamentare të muajit dhjetor.

Zgjedhjet do të zgjasin nga ora tetë e mëngjesit, deri në tetë të mbrëmjes me orën lokale të secilës zonë në Rusi, në total, nëntë zona të ndryshme kohor.

Moska, qendra e pakënaqësive ndaj partisë së “Rusisë së Bashkuar”, është përforcuar edhe me gjashtë mijë policë të ardhura nga provincat e tjera.

Kundërshtari kryesor i Putinin është Gennady Zyuganov, kryetar i Partisë Komuniste Ruse.

Sidoqoftë, sipas sondazheve, kryeministri pritet të grumbullojë më shumë se gjysmën e votave, rreth 60 për qind të tyre, duke shënuar një rikthim të lehtë drejt Kremlinit.