S’ka datë

Robert Cooper ende nuk e di se kur do të rifillojë dialogu Kosovë-Serbi. Stafi i Lehtësuesit europian, vazhdon të ushtrojë trysni mbi delegacionin serb që të kthehet në Bruksel. Por, pa ndonjë efekt. Borko Stefanovic, në një prononcim për Express, thotë se dialogu do të rifillojë kur të gjendet zgjidhja për Veriun e Kosovës.

Diplomati europian, Robert Cooper ende nuk e di datën e rifillimit të dialogut teknik Kosovë-Serbi.

Burime të Expressit thonë se ai vazhdon të punojë për rikthimin e palëve në tryezën e bisedimeve, të cilat u ndërprenë kur delegacioni serb insistoi që të diskutohet për çështjen e dy pikave doganore në Veri të Kosovës.

Këto pohime vijnë një ditë pasi që Edita Tahiri, në një prononcim për gazetën Express, tha se delegacionet mund të takohen në javën e dytë të nëntorit.

“Ne kemi kërkuar datën 20 nëntor, si afat të fundit që të hartohen të gjitha planet për zbatim për ato katër marrëveshje, sepse marrëveshja për tregtinë e lirë tashmë po zbatohet nga të dyja palët. Pasi që të hartohen planet për implementim, duhet të fillojë menjëherë edhe zbatimi i marrëveshjeve”, ka thënë ajo.

Këto deklarata i ka dëgjuar edhe Borko Stefanovic, Shef i delegacionit serb në bisedimet teknike me Kosovën.

Shkrimin e plotë mund ta lexoni në Express...