SHBA/ Temperatura të ulëta, banorët të bllokuar

Pjesa më e madhe e Shteteve të Bashkuara është përfshirë nga një mot shumë i ftohtë i cili ka sjellë reshje shiu, ngrica , por edhe dëborë në disa zona të tjera. Disa lumenj kanë ngrirë nga vala e të ftohtit e shoqëruar me temperature shumë të ulëta, ndërsa disa banorë po përpiqen të shpëtojnë kulturat bujqësore dhe të mbjellat nga ngricat duke i mbuluar ato me materiale plastike. Ata shpresojnë që produktet ushqimore të mbjella të arrijnë t'i mbijetojnë sezonit të dimrit.
Në Illinois, ka mjaft probleme në zonat e banuara, pasi dalja e lumit nga shtrati ka bërë që uji i që ka prekur shtëpitë, të ngrijë nga temperaturat e ulëta. Për këtë arsye, disa familje janë detyruar të largohen nga shtëpitë e tyre.
Ndërkohë, fermerët në disa shtete jugore duke përfshirë edhe Luizianan janë të shqetësuar për situatën dhe veçanërisht për produktet ushqimore dhe shitjen e tyre. Shqetësim i madh përbën kultivimi i luleshtrydheve , një frut i cili është në mes të sezonit të rritjes. Fermerët po përgatiten për një javë të gjatë me temperatura të ulëta, që gjatë natës do të arrijnë në minus disa gradë.
Edhe në Teksas , janë regjistruar temperatura shumë të ulëta dhe ngrica të mëdha. Ndërkaq autoritetet dhe ekipet e shpëtimit, dhe organizata "ushtria e shpëtimit" janë në dispozicion të plotë për t'u ardhur në ndihmë njerëzve nëse do të lindë nevoja. Poshtë temperatura e ngrirjes kanë ekspertë të jashtëzakonshme në Teksas me këmbë. Ushtria e shpëtimit, është një organizatë e cila disponon automjete të shërbimit të urgjencës e të tjera mjete ndihmëse.