SHBA e zhgënjyer me ratin Bytyçi: Serbia probleme në drejtësi

Shtetet e Bashkuara deklarojnë se janë të zhgënjyera me vendimin e Serbisë për të liruar dy të akuzuarit për përfshirje në vrasjen e tre vëllezërve shqiptaro-amerikanë më 1999.

Zëdhënësja e Departamentit amerikan të Shtetit, Viktoria Nullënd, ka thënë se drejtësia mbi këtë rast mbetet “prioritet i lartë” në marrëdhëniet dypalëshe me Serbinë.

Dhoma për krime lufte e Gjykatës së Lartë në Beograd ka shfajësuar sërish Sreten Popoviç dhe Millosh Stojanoviç nga akuzat se kanë ndihmuar në vrasjen e vëllezërve Ylli, Agron dhe Mehmet Bytyçi, në Petrovo Sellë, në vitin 1999.

Rigjykimi është mbajtur pasi Gjykata e Apelit e Serbisë ka hedhur poshtë vendimin fillestar për lirim.

Tre viktimat kanë shkuar nga Nju Jorku në Kosovë gjatë luftës së vitit 1999. Trupat e tyre janë gjetur në varrezë masive më 2001.

Prokurorët kanë thënë se do të apelojnë vendimin e ri.