SHBA eviton falimentimin. Obama firmos ligjin

Shtetet e Bashkuara rritën tavanin e borxhit publik duke evituar falimentimin. Presidenti Barak Obama nënëshkroi  marrëveshjen e miratuar fillimisht nga Dhoma e Përfaqsuesve dhe më pas nga Senati amerikan. Për kreun e Shtëpisë së Bardhë bëhej fjalë për një  hap të detyruar.

“Kemi parë  gjatë ditëve të fundit se Washingtoni ka kapacitetin për tu përqendruar, kur bëhet fjalë  për një afat që  paralajmëron një katastrofë. Nuk duhet të rrezikonim  falimentimin, rreziku i një katastrofe ekonomike  për të bërë që personat  në këtë qytet të  bashkoheshin e të  kryenin punën e tyre”, deklaroi Obama.

Por pavarësisht nga  marrveshja  me  republikanët, Obama nuk mund të jetë i kënaqur, pasi ka zhgënjyter shumë anëtarë të partisë së tij pas paktit me kundërshtrarin. E janë disa, analistët që thonë se  ky ligj mund ti kushtojë presidentit të parë me ngjyrë, mandatin e dytë.

Kompromisi që në  senat mori 74 vota në favor dhe  26 kundër, parashikon reduktimin e deficitit  me 2 mijë miliardë dollarë. Analistët kanë thënë se shkurtimet ndoshta do të vijnë nga programe si përfitime federale të daljes në pension, subvencionet bujqësore, por dhe programet Medicare dhe Medicaid.  

Megjithëse  Shtetet e Bashkuara evituan falimenin aksionet në tregjet  ndërkombëtare janë  sërish në rënie. Në Wall Street, rënia e  aksioneve shkoi deri në 2%, mes raportimeve për  rënie të konsumit në muajin qershor. Indeksi Nikkei i  Japonisë u cel të mërkurën duke reflektuar të njëjtën rënie  e po kështu u zgjuan dhe bursat europiane .

Delina Bitraku