SHBA, protesta në "Wall Street"

Mijëra demonstrues kanë protestuar në rrugwn "Wall Street" të Nju Jorkut kundër rolit dominues të institucioneve financiare. Të zemëruar nga humbja e vendeve të punës dhe shpëtimi i bankave të mëdha me paratë e taksapaguesve ata kërkojnë që ndikimi i sektorit të investimeve dhe të dhënies së kredive, nga këto sipërmarje të kufizohet. Organizimi i protestës u bë nga lidhja e sindikatave AFL-CIO dhe një grup i përfaqësive me orientim të majtë. Më parë më shumë se 100 njerëz hynë në një zyrë të firmës JP Morgan Chaseme me parulla ku shkruhej "Thyeni bankat"..