Sa është i lartë Mount Everesti?

Sa i lartë është Everesti? Autoritetet e Nepalit nuk e kanë matur kurrë lartësinë e Everestit, mali më i lartë në botë që gjendet në Himalaje, përgjatë kufirit të Nepalit me Kinën.

Deri tani, të dy vendet kanë njohur si lartësi zyrtare të Everestit masën 8848 metër, por matje të tjera të bëra gjatë viteve kanë dhënë lartësi të ndryshme.

Llogaritja e parë e lartësisë është bërë në vitin 1856 nga Andrew Waugh, një oficer britanik që i vendosi edhe emrin në nder të George Everest.

Waugh arriti në përfundim se mali ishte 8840 metër i lartë.

Në vitin 1955, një studimi i drejtuar nga qeveria indiane llogariti një lartësi prej 8848 metër, masë e konfirmuar nga qeveria kineze 20 vjet më pas me lartësinë 8848,13 metër. Por në të dy rastet lartësia u llogarit bashkë me akullin që gjendej në majë të malit.

Një matje e re e u bë në vitin 1999, nga një ekspeditë amerikane, e cila vendosi një GPS në majë të malit që mundësoi matjen me anë të sinjaleve satelitore.

Llogaritja dha si vlerë 8850 metër, pa llogaritur shtresën prej një metri të borës në majë.

E dhëna nuk është njohur zyrtarisht, por përdoret shpesh për të treguar lartësinë e malit.

Matja më e afërt është bërë nga kinezët në vitin 2005.

Pas disa muaj llogaritje dhe studime, akademia kineze e shkencës llogariti një lartësi prej 8844,43 metër, me një nivel gabimi prej 0,21 metër.

Llogaritjet kineze kontestohen nga qeveria e Nepalit, e cila ka fillua punën për një llogaritje më të hollësishme.

Vlera e re e lartësisë pritet të publikohet pas dy vjetësh.