Salihi: “Goli i karrierës, ia dedikoj Shkodrës”
23-03-2013 / Gazeta 55
Hamdi Salihi, autori i golit të fitores
Pas fitores ndaj Norvegjisë, Hamdi Salihi, autori i golit të fitores, ka thënë se ndihet i lumtur që i solli tre pikë shumë të rëndësishme ekipit kuqezi. “Ky është ndër golat më të bukur të karrierës. Por përveç kësaj, ky është goli më i rëndësishëm që kam shënuar për ekipin Kombëtar. Golin ia dedikoj Shkodrës, që gjithmonë më përkrahin”, ka deklaruar sulmuesi i ekipit kinez Jiangsu Sainty. Ai ka thënë se ekipi duhet të përmirësohet në ndeshjet e radhës. Sipas Salihit, hap pas hapi, ekipi kuqezi mund të realizoj ëndrrën – kualifikimin në Botërorin “Brazil – 2014”.
...