Samiti i Ballkanit, Topi vizitë në Greqi
Presidenti i Republikës, Bamir Topi, i shoqëruar nga Zonja e Parë, Teuta Topi, është nisur dje në krye të delegacionit zyrtar shqiptar për të marrë pjesë në Samitin e Shtatë të krerëve të shteteve të Evropës Juglindore. Sipas njoftimit zyrtar të shpërndarë nga zyra e kreut të shtetit, takimi do të zhvillohet në kryeqytetin e Greqisë, Athinë, në datat 13 dhe 14 qershor. Presidenti shqiptar, sipas axhendës së përcaktuar, do t‘i adresohet me një fjalim seancës plenare të Samitit. Temë kryesore e të cilit është diskutimi dhe shkëmbimi i mendimeve rreth "Pikëtakimeve ndërkulturore të rrugë-lundrimeve në det, lumë dhe liqen të Evropës Juglindore". Kreu i shtetit, Topi, është takuar dje me drejtorin e Përgjithshëm të UNESCO-s, Koiçiro Macura.
Në këtë takim, Presidenti theksoi "vlerat kulturore dhe shoqërore të popullit shqiptar, ku përfshihet dhe toleranca dhe harmonia ndërfetare, kanë rolin e tyre të rëndësishëm në ndërtimin dhe ruajtjen e urave të komunikimit dhe bashkëjetesës mes popujve dhe vendeve të Ballkanit". Presidenti Topi vlerësoi ndihmën e vazhdueshme të UNESCO-s dhe zyrës së saj në Venecia për ruajtjen dhe evidentimin e pasurisë kulturore dhe historike të vendit tonë. Ai vlerësoi dhe përpjekjet personale të z.Macura për të përfshirë qytetin 2400-vjeçar të Beratit në Listën e Trashëgimisë Botërore të UNESCO-s. Një takim tjetër është përcaktuar të realizohet edhe me sekretarin e Përgjithshëm të Këshillit të Evropës, Terri Dejvis, si dhe me homologë nga rajoni. Samiti organizohet nën kujdestarinë e Presidentit të Republikës së Greqisë, Karolos Papulias, dhe drejtorit të Përgjithshëm të UNESCO-s, Koiçiro Macura. Largimi i Topit nga vendi bëhet në një moment kur është në zhvillim e sipër debati i brendshëm politik për çështjen e dekreteve të anëtarëve të rinj të Gjykatës Kushtetuese. Konflikti mes tij dhe mazhorancës ka arritur pikën kritike dhe vota e javës së ardhshme në Kuvend do përcaktojë fituesin në këtë përplasje. Sakaq, udhëtimet jashtë vendit të kreut të shtetit kanë qenë pjesë e punës së kreut të shtetit, Bamir Topi, që prej zgjedhjes së tij në krye të këtij institucioni.
Në këtë takim, Presidenti theksoi "vlerat kulturore dhe shoqërore të popullit shqiptar, ku përfshihet dhe toleranca dhe harmonia ndërfetare, kanë rolin e tyre të rëndësishëm në ndërtimin dhe ruajtjen e urave të komunikimit dhe bashkëjetesës mes popujve dhe vendeve të Ballkanit". Presidenti Topi vlerësoi ndihmën e vazhdueshme të UNESCO-s dhe zyrës së saj në Venecia për ruajtjen dhe evidentimin e pasurisë kulturore dhe historike të vendit tonë. Ai vlerësoi dhe përpjekjet personale të z.Macura për të përfshirë qytetin 2400-vjeçar të Beratit në Listën e Trashëgimisë Botërore të UNESCO-s. Një takim tjetër është përcaktuar të realizohet edhe me sekretarin e Përgjithshëm të Këshillit të Evropës, Terri Dejvis, si dhe me homologë nga rajoni. Samiti organizohet nën kujdestarinë e Presidentit të Republikës së Greqisë, Karolos Papulias, dhe drejtorit të Përgjithshëm të UNESCO-s, Koiçiro Macura. Largimi i Topit nga vendi bëhet në një moment kur është në zhvillim e sipër debati i brendshëm politik për çështjen e dekreteve të anëtarëve të rinj të Gjykatës Kushtetuese. Konflikti mes tij dhe mazhorancës ka arritur pikën kritike dhe vota e javës së ardhshme në Kuvend do përcaktojë fituesin në këtë përplasje. Sakaq, udhëtimet jashtë vendit të kreut të shtetit kanë qenë pjesë e punës së kreut të shtetit, Bamir Topi, që prej zgjedhjes së tij në krye të këtij institucioni.