Sandri kënaqet me vjershën për qeverinë e IntegrimitNga Antena brenda familjesSandrit iu rikthye dje humori i prishur. Një letër nga populli, e ardhur te redaksia e “Antenës”, kërkonte që ajo të botohej e plotë te rubrika e Sandrit. S’u mor vesh se s
Nëse dëshironi të lexoni edicionin online të gazetës në PDF klikoni këtu.
Sandri kënaqet me vjershën për qeverinë e IntegrimitNga Antena brenda familjesSandrit iu rikthye dje humori i prishur. Një letër nga populli, e ardhur te redaksia e “Antenës”, kërkonte që ajo të botohej e plotë te rubrika e Sandrit. S’u mor vesh se si informacioni shkoi deri te Sandri, po ky i fundit dërgoi disa njerëz në redaksi të mësonte përmbajtjen e vjershës. Redaktori i “Antenës” nuk pranonte t’ia lexonte, por duke parë se Sandri ishte vërtet i mërzitur me ministrat që kishin nisur të lidheshin direkt, ose me fëmijët e doktorit, ose me Fazlliçin, i dha një shans.
- I thuaj Sandrit, - i tha redaktori, - që nesër e ka pushim. Po botojmë këtë vjershën e ardhur nga populli për qeverinë. Vjersha e dërguar nga pseudonimi Shahin Kolonja thotë:
Qeveria e Integrimit
Në emër të integrimit
Na janë bërë miq për kokë
Njëri blu, e tjetri rozë
politikën e bënë bozë.
Për Mjedis Fatmir Medinë
Në Gërdec as bar nuk mbin
Flinim me frikë në shtëpi
Tani as jashtë dot nuk rri
Pa harruar Spiro Kserën
Që kthen rrugë nga ka erën
Qe na flet për punësimin
Dhe na tregon emigrimin.
Edhe Beni “gjeneral”
Ters e nisi këtë radhë
Na sqaron s’ka tradhti
Në kufirin me Greqi
Pollo pa portofol
është nën mëngë si një xhol.
Si gjithmonë i pavenitur
pas doktorit i kopsitur.
Petrit Vasili si trim
pas Ilirit, vetëtimë
Nuk pranon dot “varfërinë”
Si ilaç do ministrinë.
Drejtësia nën Nishanë
të flasi kujt ia mbanë.
Tani të gjithë shpëtuam
me drejtësinë mbaruam.
Rrugët i mban prapë Olldashi
Ngaqë Luli shpejt e trashi
Berisha i rri te koka
Se nuk bën t’i rritet rroga
Për Majlindën flasim kot
Vizat nuk na i heq dot
Dhe nuk ka asgjë në dorë
Të nxjerr në breg kët’ vapor
Më rehat është Ferdinandi
Për çdo post ka qenë gati
Me Turizëm e Kulturë
Së paku kapi një zyrë
Te Financat Ridvani
Se është zgjeruar sahani.
Mbledh pará e vendos gjoba
Dhe prapë nuk ka lek për rroga
Energjia ka Dritanin
korrupsionit i bën namin.
Herë shahet, herë pajtohet
do vetëm të rregullohet.
Me Rulin dopio finok
që s’të bën kurrë shok.
Do vetëm një portofol
herë As e herë xhol.
Sandri e lexoi me një frymë dhe u lehtësua.
- Ta hanë dhe një herë këta shkërdhatat se ngela duke e ngrënë unë përditë, - tha. - Pastaj le të ma fusin mua duke bërë lidhje direkt me Fazlliçin apo fëmijët e doktorit.