Sarande/ Banoret dhunojne hidrocentralin e Sasajt ne Lukove

Investimi më i ri energjitik, hidrocentrali i Sasajt, në komunën e Lukovës, është dëmtuar mbrëmjen e djeshme nga disa banorë duke shkaktuar një dëm prej 1.5 milionë lekësh, ndërkohë policia e Sarandës ka nisur hetimet, njoftuan sot policia lokale, në jug të vendit.
“Dëmtuesit janë banorë të zonës së Vergoit, tashmë të identifikuar, zona nga merr ujë hidrocentrali lokal i Sasajt i ngritur së fundmi ”, thuhet në komunikatën e Policisë.

Grupi hetimor në vendin e ngjarjes ka konstatuar dëmtimin e një pjese të murit mbajtës së kanalit, me gjatësi 6 metra dhe dëmtimin e tri portave komanduese.

Burime zyrtare nga Policia lokale tha se janë shoqëruar dy persona, ndërkohë hetimet po vijojnë me intesitet për të zbardhur të plotë ngjarjen.