Sarandë, drejt përfundimit të sistemit të adresave
Brenda pak kohësh, nëse kërkoni të gjeni një hotel, restorant apo lokal në Sarandë, mjafton të klikoni në internet dhe itinerari do të jetë i qartë. Kjo falë hartës që do të përgatitet, pas punës për emërtimin e rrugëve, shesheve, lagjeve të qytetit. Harta do të jetë e pajisur me të gjithë këta elementë që kërkon sistemi, që do të publikohet në vende publike në qytet, por do të gjendet edhe në uebsajtin e qytetit të Sarandës në internet.
Zëvendëskryetari i bashkisë, Fatos Mullaj, thotë për "Shqip" se procesi i evidentimit të adresave është mjaft i rëndësishëm në kushtet e veçorive që ka Saranda si qytet turistik, ballafaquar edhe me problematikën e ardhur nga zhvillimet demografike që ka pasur qyteti në vitet e fundit. Mullaj thotë se në 20 vjet popullsia e Sarandës pothuajse është trefishuar si popullsi. Ndërkohë që në pikun e sezonit ajo i kalon të 100 mijë banorët. Projekti është mbështetur nga OSBE, e cila e ka përzgjedhur Sarandën si qytet pilot për organizimin e infrastrukturës dhe emërtimin e numërtimin e objekteve të qytetit.
Zëvendëskryetari i bashkisë, Fatos Mullaj, thotë për "Shqip" se procesi i evidentimit të adresave është mjaft i rëndësishëm në kushtet e veçorive që ka Saranda si qytet turistik, ballafaquar edhe me problematikën e ardhur nga zhvillimet demografike që ka pasur qyteti në vitet e fundit. Mullaj thotë se në 20 vjet popullsia e Sarandës pothuajse është trefishuar si popullsi. Ndërkohë që në pikun e sezonit ajo i kalon të 100 mijë banorët. Projekti është mbështetur nga OSBE, e cila e ka përzgjedhur Sarandën si qytet pilot për organizimin e infrastrukturës dhe emërtimin e numërtimin e objekteve të qytetit.