Sarandë, shpërthim eksplozivi

Policia tha paraprakisht se ngjarja ka ndodhur në lagjen “Nr. 1” Sarandë në ambientet e jashtme të një objekti 1 katesh i cili ka shërbyer si disko. Objekti ndodhet ngjitur me hotel “Butrinti”.

Ky objekt është marrë me qira nga shtetasi F. A., 41-vjeç, banues në Delvinë. Menjëherë në vendngjarje ka shkuar grupi hetimor  dhe nga verifikimet e kryera ka rezultuar se nuk ka persona të lënduar dhe se nga shpërthimi janë shkaktuar vetëm dëme materiale.

Në bashkëpunim me organin e Prokurorisë së e Rrethit Sarandë po punohet për zbulimin e llojit të lëndës plasëse të përdorur, motiveve dhe identifikimin e kapjen e autorëve. /Start/

                                                                                             2011-11-22 14:22