Sarkozy qeras, por nuk paguan

Një përpjekje e Nicolas Sarkozy për të vepruar si “njeri popullor”, duke blerë pije dhe kafe për miqtë e tij në një bar rural, rezultoi “e tmerrshme”, kur ai u largua pa paguar.

Episodi i sikletshëm ndodhi kur presidenti francez vizitoi Villetelle, një fshat i vogël në rajonin qendror Kreuse, ndërsa ai po bënte fushatë për rizgjedhjen e tij.

Duke hyrë në barin kryesor të fshatit, Sarkozy kishte thënë “Është radha ime!” dhe kishte porositur gjashtë kafe, që kushtonin 6 euro e 60 cent.

“Është një vend shumë i bukur, mbase ne vendosemi këtu”, i kish thënë Sarkozy pronarit të lokalit. Më pas, ai kishte përmendur se si kishte ulur tatimet e kafeneve rurale, duke lehtësuar jetën e tyre.

“Kjo tregon se Sarkozy është e kundërta e njeriut popullor”, tha një banor i fshatit.

Mediat shkruajnë se ai ka dashur të imitojë Presidentin amerikan, Barack Obama, i cili porosit dhe paguan për stafin e tij gjatë udhëtimeve të punës nëpër SHBA.

Një zëdhënës i presidencës franceze tha se mospagimi i faturës ishte një “pavëmendje” që do të korrigjohet.