"Së bashku per nje partneritet real dhe afatgjate" Sot, ne ambjentet e "Tirana International Hotel", filloi punimet Konferenca e Katert e Luftes kunder Korrupsionit "Se bashku per nje pa

"Së bashku per nje partneritet real dhe afatgjate"

Sot, ne ambjentet e "Tirana International Hotel", filloi punimet Konferenca e Katert e Luftes kunder Korrupsionit "Se bashku per nje partneritet real dhe afatgjate", nje aktivitet ky i pervitshem. Objekti kryesor i konferences eshte monitorimi i zbatimit te Planit te Veprimeve per Parandalimin dhe Luften Kunder Korrupsionit, 2003-2004 si dhe diskutimi i Projektplanit te Ri te Veprimeve 2004–2005.

Kjo konference solli se bashku perfaqesues te qeverise, drejtues te institucioneve qendrore te pavarura, perfaqesues te qeverisjes vendore, anetare te Grupit te Monitorimit Antikorrupsion, specialiste shqiptare dhe te huaj, perfaqesues te shoqerise civile, komunitetit te biznesit, sindikatave, perfaqesues te trupit diplomatik, organizatave nderkombetare ne Shqiperi, etj. Konferenca organizohet nga Ministri i Shtetit per Koordinimin, Grupi i Monitorimit Antikorrupsion, me asistencen teknike te Keshillit te Europes.

Punimet e kesaj Konference u hapen nga Ministri i Shtetit per Koordinimin Marko Bello dhe u pershendeten nga Inspektori i Pergjithshem i Inspektoriatit te Larte te Deklarimit dhe Kontrollit te Pasurive, Fatmira Laska, Kryetari i Kontrollit te Larte te Shtetit, RobertÇeku si dhe perfaqesues nga Keshilli i Europes.

Ministri i Shtetit per Koordinimin, Marko Bello, ne lidhje me qellimin qe kerkon te arrije kjo Konference, u shpreh:
"... Ndryshime rrenjesore dhe te qendrueshme ne perqasje dhe praktika mund te krijohen vetem nga nje orientim koherent i reformave dhe nga nje bashkepunim real i te gjitha forcave shoqerore, te shtetit, sektorit privat, shoqerise civile e te gjithe faktoreve te tjere te rendesishem ...

Nga eksperienca e vendeve te suksesshme ne perpjekjet antikorrupsion, po del qarte se lufta kunder korrupsionit nuk mund te konceptohet me vetem si nje lufte e vecuar e institucioneve te specializuara, megjithe rolin e tyre te pazevendesueshem, por eshte i nevojshem nje rikonceptim i saj mbeshtetur edhe ne dy faktore baze "parandalimi institucional" dhe "mbeshtetja e publikut".

"Lufta kunder korrupsionit ka gjithmone nevoje per partneritet dhe besim, per partnere te besueshem dhe serioze". Per kete arsye, "te gjithe duhet te marrin pjese dhe te japin kontributin e tyre ne kuadrin e pjesemarrjes dhe bashkeveprimit "Se bashku per nje partneritet real dhe afatgjate".

Ne punimet e dites se pare te kesaj Konference do te diskutohet lidhur me monitorimin e zbatimit, me arritjet dhe problemet, te Planit te Veprimeve per Parandalimin dhe Luften Kunder Korrupsionit, 2003-2004, por duke u perqendruar ne menyre te vecante ne masat e propozuara ne Projektplanin e Ri te Veprimeve, 2004-2005, ku do te propozohen edhe masat konkrete antikorrupsion, plotesimin dhe riorganizimin me te mire te aspekteve te ndryshme si dhe prioritetet dhe nevojat per asistence teknike etj.

Punimet e kesaj Konference do te vazhdojne edhe neser dhe do te fokusohen ne diskutimin e hapur dhe ne grupe pune te Projektplanit te Veprimit per Parandalimin dhe Luften kunder Korrupsionit, 2004-2005 ne tre drejtime kryesore: forcimi i ligjit, parandalimi, edukimi dhe pjesemarrja e publikut.