"Se bashku per nje partneritet real dhe afatgjate" Zyra e Ministrit te Shtetit per Koordinimin nepermjet Grupit te Monitorimit Antikorrupsion, me asistencen teknike te Keshillit te Europes, j

"Se bashku per nje partneritet real dhe afatgjate"

Zyra e Ministrit te Shtetit per Koordinimin nepermjet Grupit te Monitorimit Antikorrupsion, me asistencen teknike te Keshillit te Europes, jane ne procesin e organizimit te Konferences se IV te Luftes kunder Korrupsionit, "Se bashku per nje partneritet real dhe afatgjate", qe do te mbahet ne datat 9 dhe 10 Dhjetor 2004, ne mjediset e hotel Tirana International. Ky perben nje aktivitet te pervitshem, objekti kryesor i te cilit eshte monitorimi i zbatimit, me arritjet dhe problemet, te Planit te Veprimeve per Parandalimin dhe Luften kunder Korrupsionit, 2003-2004 dhe kryesisht diskutimi i projekt Planit te Veprimeve 2004-2005.

Me qellim qendrueshmerine dhe forcimin e partneritetit real te aktoreve te interesuar ne luften kunder korrupsionit dhe perfshirjen ne kete proces te te gjithe aktoreve vendas dhe te huaj, ne konference do te jene te ftuar, anetare te qeverise dhe institucioneve kryesore qendrore, anetare te Grupit te Monitorimit Antikorrupsion, pika kontakti te institucioneve qendrore, perfaqesues te shoqerise civile dhe komunitetit te biznesit, perfaqesues te organizatave nderkombetare qe japin asistence teknike dhe ligjore ne Shqiperi ne lidhje me ceshtje te luftes kunder korrupsionit dhe perfaqesues te trupit diplomatik.

Gjate kesaj konference, diskutimet do te perqendrohen rreth masave te propozuara ne projekt Planin e Veprimeve per Parandalimin dhe Luften kunder Korrupsionit, 2004-2005 ne tre drejtime kryesore: forcimi i ligjit, parandalimi, edukimi dhe pjesemarrja e publikut, duke u fokusuar ne propozime dhe masa konkrete dhe ne koordinim me angazhimet e marra nga Qeveria shqiptare ne kuader te Planit te Veprimit te Partneritetit Europian.

Plani i Veprimeve per Parandalimin dhe Luften kunder Korrupsionit, 2004-2005, nga puna paraprake dhe punimet e kesaj konference, do te dale ne formen e nje projekti, i cili do t'i paraqitet, pas reflektimit ne te edhe te konkluzioneve te Konferences, Keshillit te Ministrave per miratim.

Ky aktivitet, i organizuar jave me pare, perkon me iniciativen e ndermarre nga Kombet e Bashkuara per ta bere daten 9 dhjetor – 1-vjetorin e nenshkrimit te Konventes se Kombeve te Bashkuara kunder Korrupsionit, ku Shqiperia eshte pale nenshkruese qe prej nje viti, - Diten Boterore Antikorrupsion.

Kjo eshte nje iniciative domethenese qe duhet pershendetur e perkrahur, sic eshte edhe rasti i organizimit te ketij aktiviteti dhe qe deshmon per faktin e pamohueshem per te cilin duhet te jemi te vetedijshem se parandalimi dhe lufta kunder korrupsionit nuk mund te konceptohet pa bashkeveprimin e te gjitheve, megjithe pergjegjesite specifike te secilit aktor.

Politizimi i ceshtjes se parandalimit dhe luftes kunder korrupsionit, mbeshtetur ne pervojat e ndryshme brenda dhe jashte vendit, nuk ben gje tjeter po vetem sjell gjithmone e me shume nje mosbesueshmeri mbi qellimin pozitiv te perpjekjeve te strukturave shteterore dhe secilit aktor tjeter ne kete fushe.

Nese korrupsioni eshte nje problem global, ai meriton vemendje, filozofi e strategji globale dhe gjitheperfshirese, perpjekjet serioze dhe te sinqerta ne lufte kunder tij realizohen nepermjet forcimit te metejshem te frymes se partneritetit, konsensusit, bashkeveprimit dhe debatit, qe duhet te na karakterizoje te gjitheve kur behet fjale per ceshtje te tilla te rendesishme te funksionimit te sistemit demokratik.