Sejdiu-Thaci": Prishtina s'eshte pale ne marreveshje

Pas njoftimit se eshte nenshkruar Protokolli EULEX-Ministri e Brendshme e Republikes se Serbise per bashkepunim ne fushen e policise, Presidenti Fatmir Sejdiu dhe kryeministri Hashim Thaci kane leshuar nje deklarate mbreme, nepermes te ciles sqarojne se Prishtina nuk eshte pale ne kete marreveshje. "Republika e Kosoves nuk eshte pale ne veprimet midis EULEX-it dhe Ministrise se Brendshme te Republikes se Serbise per bashkepunim ne fushen e policise", thuhet ne deklaraten shperndare mediave. Drejtuesit kosovare thone se keto pakte nuk kane dhe nuk mund te kene asnje ndikim ne pavaresine, sovranitetin dhe integritetin territorial te Republikes se Kosoves. Ftesa e Republikes se Kosoves per vendosjen e Misionit evropian per rend dhe ligj, EULEX ne Kosove, per te ndihmuar institucionet e Republikes se Kosoves ne fushat e rendit dhe ligjit eshte akt sovran i udheheqjes se Republikes se pavarur te Kosoves, theksojne kreret e institucioneve te vendit. "Edhe me kete rast ritheksojme perkushtimin e palekundur te institucioneve dhe popullit te Republikes se Kosoves per bashkepunim te ngushte me pranine evropiane ne Kosove dhe me institucionet e Bashkimit Evropian ne drejtim te konsolidimit te metejme te shtetesise dhe sovranitetit te Republikes se Kosoves, e ne vecanti per te forcuar perspektiven evropiane te Republikes se Kosoves", - vijon deklarata. Institucionet e Kosoves ritheksojne se kjo ne asnje menyre nuk do te zbehe perkushtimin e Qeverise se Republikes se Kosoves per te luftuar krimin e organizuar dhe ne kete kuader te gjitha format e krimit tejkufitar.