Sejdiu: “Transformimi e TMK-së, ditë historike”
Autori i Lajmit: red.
Prishtinë - Presidenti i Republikë së Kosovës, Fatmir Sejdiu, ka marrë pjesë në ceremoninë e deaktivizimit të Forcave të Mbrojtjes së Kosovës, (TMK) dhe nisjes së etapës së re, transformimit nga TMK, në Forcën e Sigurisë të Kosovës (FSK). Pas parakalimit para Gardës së TMK-së, i shoqëruar nga komandanti i TMK-së, gjenerallejtënant Sulejman Selimi, presidenti Sejdiu ka vlerësuar punën e pjesëtarëve të TMK-së, duke theksuar se edhe ata që do të jenë pjesë e FSK-ë edhe ata që nuk do jenë pjesë e FSK-së, do të jenë prapë në misione të rëndësishme për Kosovën. Ndër të tjera ai tha: “Sot është një ditë e emocioneve, por edhe një ditë historike, të cilën e kemi pritur bashkë dhe është nga ditët e rëndësishme të rritjes dhe të zhvillimit të Kosovës. Kemi përfundimin e një misioni në mënyrën më të shkëlqyeshme të mundshme dhe fillimin e një misioni të ri që starton nesër, atë të FSK-së, që do të jetë mburojë e vendit, bashkë me miqtë tanë, sikurse që ju ishit mburojë e rëndësishme në këtë periudhë të zhvillimeve tona”, - theksoi presidenti Sejdiu. “Dua të çmoj lart punën që keni bërë. Të dalë nga një luftë e imponuar, nga shkatërrime të mëdha, nga pasojat e shumta që kanë qenë në nivel të traumës për shumë qytetarë të Kosovës, ju keni qenë partner i rëndësishëm në të gjitha bashkëpunimet e mundshme me institucionet e Kosovës, për të kapërcyer më shpejt gjithë atë që kishte qenë mësymje për përmbysjen tonë”, - tha presidenti Sejdiu. Presidenti Sejdiu ka çmuar, pos angazhimit të pjesëtarëve, edhe punën e udhëheqjes së TMK-së, në misionin e saj. Në bazë të kompetencave të tij si President i vendit, presidenti Sejdiu i ka dhënë komandantit të TMK-së, gjenerallejtënant Sulejman Selimit Medaljen e Artë Ushtarake, në shërbim të paqes dhe lirisë, për kontributin e dhënë sigurisë dhe stabilitetit në Kosovë gjatë mandatit të tij në cilësinë e komandantit të TMK-së. “Do të jemi bashkë me NATO-n, tash si partnerë, nesër si anëtarë të barabartë në partneritetin e përgjithshëm në luftë për paqe dhe liri”, - ka përfunduar fjalën e tij në këtë ceremoni presidenti Fatmir Sejdiu.
Ky lajm është publikuar: 20/01/2009
Prishtinë - Presidenti i Republikë së Kosovës, Fatmir Sejdiu, ka marrë pjesë në ceremoninë e deaktivizimit të Forcave të Mbrojtjes së Kosovës, (TMK) dhe nisjes së etapës së re, transformimit nga TMK, në Forcën e Sigurisë të Kosovës (FSK). Pas parakalimit para Gardës së TMK-së, i shoqëruar nga komandanti i TMK-së, gjenerallejtënant Sulejman Selimi, presidenti Sejdiu ka vlerësuar punën e pjesëtarëve të TMK-së, duke theksuar se edhe ata që do të jenë pjesë e FSK-ë edhe ata që nuk do jenë pjesë e FSK-së, do të jenë prapë në misione të rëndësishme për Kosovën. Ndër të tjera ai tha: “Sot është një ditë e emocioneve, por edhe një ditë historike, të cilën e kemi pritur bashkë dhe është nga ditët e rëndësishme të rritjes dhe të zhvillimit të Kosovës. Kemi përfundimin e një misioni në mënyrën më të shkëlqyeshme të mundshme dhe fillimin e një misioni të ri që starton nesër, atë të FSK-së, që do të jetë mburojë e vendit, bashkë me miqtë tanë, sikurse që ju ishit mburojë e rëndësishme në këtë periudhë të zhvillimeve tona”, - theksoi presidenti Sejdiu. “Dua të çmoj lart punën që keni bërë. Të dalë nga një luftë e imponuar, nga shkatërrime të mëdha, nga pasojat e shumta që kanë qenë në nivel të traumës për shumë qytetarë të Kosovës, ju keni qenë partner i rëndësishëm në të gjitha bashkëpunimet e mundshme me institucionet e Kosovës, për të kapërcyer më shpejt gjithë atë që kishte qenë mësymje për përmbysjen tonë”, - tha presidenti Sejdiu. Presidenti Sejdiu ka çmuar, pos angazhimit të pjesëtarëve, edhe punën e udhëheqjes së TMK-së, në misionin e saj. Në bazë të kompetencave të tij si President i vendit, presidenti Sejdiu i ka dhënë komandantit të TMK-së, gjenerallejtënant Sulejman Selimit Medaljen e Artë Ushtarake, në shërbim të paqes dhe lirisë, për kontributin e dhënë sigurisë dhe stabilitetit në Kosovë gjatë mandatit të tij në cilësinë e komandantit të TMK-së. “Do të jemi bashkë me NATO-n, tash si partnerë, nesër si anëtarë të barabartë në partneritetin e përgjithshëm në luftë për paqe dhe liri”, - ka përfunduar fjalën e tij në këtë ceremoni presidenti Fatmir Sejdiu.
Ky lajm është publikuar: 20/01/2009