Sejdiu nuk e fton Tadicin ne Samitin e Prizrenit

Presidenti i Serbise, Boris Tadic, nuk do te jete pjese e takimit te perbashket me homologet e vendeve fqinje, te cilet me ftese te presidentit te Republikes se Kosoves, Fatmir Sejdiu do te takohen ne Prizren ne fund te ketij muaji. Presidenti Sejdiu ka shpjeguar faktin pse Tadic nuk do te ftohet ne mini-samitin e shefave te shteteve te vendeve fqinje te Kosoves. "Si ta ftoj njeriun, i cili me tere energjine deklarohet kunder pavaresise se Kosoves dhe ben gjithcka qe ta pengoje njohjen e metejme", ka pohuar z.Sejdiu. Presidenca kosovare thote se nuk perjashtohet mundesia qe nje gje e tille te ndodhe viteve te ardhshme.
Ne vazhden e dy takimeve tjera te perbashketa ne Vlore dhe ne Oher, me 26 dhe 27 qershor ne qytetin e Prizrenit do te mbahet mini-samiti, ne te cilin do te marrin pjese presidentet e vendeve fqinje. Presidentet Bamir Topi, Filip Vujanovic dhe Gjorge Ivanov kane konfirmuar pjesemarrjen ne Samitin e Prizrenit, qe mbahet me 26-27 qershor, kane bere te ditur burime te Express-it nga Zyra e Presidentit. Dite me pare, drejtori i Institutit amerikan per Paqe me seli ne Uashington, Daniel Server, i ka sugjeruar presidentit kosovar qe ne kete mini-samit te ftoje edhe homologun e tij serb. Sidoqofte, takimi pritet te mbahet ne format te njejte me ate te Vlores dhe Ohrit. "Dihet qe ne samitin e Vlores dhe te Ohrit pjesemarrja ka qene ne kete format, presidentet e Shqiperise, Maqedonise, Malit te Zi dhe Kosoves. Edhe kesaj radhe formati do te jete i tille, pjesemarres do te jene presidentet e ketyre kater vendeve, por nuk do te perjashtohet mundesia qe viteve te ardhshme ne samit te ftohen edhe presidentet e vendeve tjera", i ka thene KosovaPressit, zedhenesi i Presidences, Xhavit Beqiri.