Sejdiu:Shqipëri- Kosovë, bashkë për të ardhmen europiane

"Shqipëria dhe Kosova janë të përkushtuar të punojnë së bashku për paqen, stabilitetin dhe të ardhmen europiane të dy vendeve tona dhe të gjithë rajonit", u shpreh sot Presidenti i Kosovës, Fatmir Sejdiu, në një mesazh urimi dërguar Kryeministrit Sali Berisha.
"Duke qenë se sfidat dhe synimet tona janë të përbashkëta, ne jemi të përkushtuar që të punojmë së bashku për paqen, stabilitetin dhe të ardhmen europiane të dy vendeve tona dhe të të gjithë rajonit, thuhet në mesazhin e Presidentit të Kosovës drejtuar Kryeministrit Berisha.