Serbet: EULEX neutral, eshte i papranueshem

Perfaqesuesit politike serbe ne Kosove e quajne te papranueshme idene per shtrirjen e misionit EULEX, qofte si mision neutral karshi statusit te Kosoves, neper territorin e Kosoves. Ata i bejne thirrje Beogradit zyrtar te mos pranoje dokumentin 6-pikesh te OKB-se per rikonfigurimin e pranise nderkombetare ne Kosove - plan ky i cili, sipas tyre, largon Kosoven nga Serbia. Politikani serb, Marko Jakshic, konsideron se pranimi i EULEX-it nenkupton dhe njohjen e pavaresise se Kosoves dhe largimin e saj nga shteti serb. Ai thote se asnje mision i BE-se nuk eshte i mireseardhur per serbet qe jetojne ne Kosove, pavaresisht kornizes brenda se ciles do te vepronte ai mision. "Ceshtja e EULEX-it nuk eshte e pranueshme per ne. Ky mision do te punoje sipas ligjeve te Kosoves. Pranimi i EULEX-it do te thote se e pranojme edhe nje shtet shqiptar ne Ballkan. Ne fund te fundit, me kete marreveshje, EULEX-i fiton te drejten e mbikeqyrjes te se ashtuquajtures Kosoves se pavarur ne 96 perqind te territorit te Kosoves, kurse eshte e dhimbshme qe me kete marreveshje pajtohet edhe shteti i Serbise, me cka faktikisht e largon Kosoven edhe me shume nga shteti serb", shprehet Jakshic. Diplomatet perendimore u kane bere thirrje sikurse Prishtines zyrtare, e cila vazhdon te refuzoje planin 6-pikesh te OKB-se, po ashtu edhe serbeve ne Kosove te pranojne marreveshjen ne fjale. Mirepo, perfaqesues serbe kembengulin ne qendrimin e tyre aktual karshi misionit EULEX. Disa prej tyre thone se jane kercenuar nga zyrtare te larte per te mos rezistuar zbarkimin e ketij misioni.

Ndonese Qeveria e Kosoves duket se po ben perpjekje per te modifikuar kete dokument, nenkryetarja e Keshillit Nacional Serb nga Gracanica, Rada Trajkovic, thote se plani ne formatin aktual ndan veriun e Kosoves.