Thaci "jo" planit te Ki-Mun

Kryeministri i Kosoves, Hashim Thaci. ka perseritur diten e djeshme qendrimin kosovar kunder planit gjashtepikesh per Kosoven te sekretarit te pergjithshem te OKB-se, Ban Ki-Mun. Prishtina nuk leviz nga pozicioni i saj refuzues ndaj planit 6-pikesh te OKB-se, BE-se e Serbise, per shtrirjen e EULEX-it. Kryeministri Thaci tha se ky plan mbetet i papranueshem dhe se EULEX-i duhet te shtrihet konform pakos Ahtisaari dhe Kushtetutes. Ndersa perfaqesuesit e vendeve te Kuint-it dhe BE-se i vazhdojne bisedimet per planin gjashtepikesh me zyrtaret me te larte shteterore te Kosoves, keta te fundit thone se nuk e kane ndermend te levizin nga pozicionet. Kryeministri Hashim Thaci perseriti qendrimin e institucioneve se plani gjashtepikesh i OKB-se, BE-se dhe Serbise per shtrirjen e EULEX-it, eshte i papranueshem dhe se EULEX-i mund te shtrije misionin e vet ne Kosove mbi bazen e planit te Ahtisarit dhe Kushtetutes, duke e respektuar teresine territoriale te Kosoves. "Qendrimi i institucioneve te Kosoves eshte shume i qarte. Elementet substanciale te gjashtepikeshit, kane qene, jane dhe do te mbesin te papranueshme, ndersa ne i kemi thene 'po' shtrirjes se EULEX-it ne tere territorin e Kosoves, duke respektuar sovranitetin e Kosoves, pavaresine, Kushtetuten moderne te saj, dokumentin e presidentit Ahtisaari, si dhe respektimin dhe garantimin e plote te integritetit territorial te Republikes se Kosoves. Kjo eshte zgjidhja e drejte", deklaroi Thaci. Kunder planit gjashtepikesh, me qendrimet e tyre zyrtare kane dale publikisht edhe dy parti politike, Lidhja Demokratike dhe Aleanca per Ardhmerine e Kosoves. Nenkryetari i LDK-se, Lutfi Haziri, thote se plani gjashtepikesh nuk mund te jete teme diskutimi e as negocimi, sepse ai cenon drejtperdrejt sovranitetin dhe integritetin e Kosoves. "E vetmja rruge per te cilen mund te vazhdohet te bisedohet, jane modalitetet e shtrirjes se EULEX-it sipas Kushtetutes se Kosoves dhe sipas asaj qe eshte negociuar ne Vjene me heret", thote Haziri.