Seria A rrezikon një vend në Champions

Rezultatet e dobëta të ekipeve italiane në pesë vitet e fundit në Evropë mund të sjellin pasoja negative. Sipas së përditshmes "Gazzetta Dello Sport", Seria A rrezikon të humbasë një vend në Ligën e Kampioneve që prej vitit 2011. UEFA e përcakton numrin e skuadrave nga secili kampionat në bazë të renditjes sipas koeficientëve, llogari që bazohen tek ecuria e klubeve në kupat kontinentale gjatë pesë viteve të fundit. Aktualisht në Champions luajnë katër italiane, por njëri nga këto vende mund t‘i kalojë Bundesligës gjermane.