Serwer: Kosova para vetes ka sfida të mëdha

Analisti i njohur amerikan i çështjeve të Ballkanit dhe drejtor i Institutit amerikan për Paqe, Daniel Serwer, thotë se, "për zhvillimin e Kosovës duhet një koordinim i aksioneve nga vendasit dhe ndërkombëtarët".

"Kosova para vetes vazhdon të ketë sfida të mëdha. Sfidën e njohjeve të mëtejshme, njohjeve diplomatike, vendosjen e marrëdhënieve diplomatike", tha Serwer .

Ai theksoi se Kosovës i duhen marrëdhënie më të mira dhe më të forta me fqinjin e saj më të madh dhe më të rëndësishëm, Serbinë. "Ndonëse nuk e ka parë në tërësi planin për integrimin e veriut të Kosovës, Serwer thotë se mbështet çdo iniciativë që është kundër ndarjes së Kosovës përmes lumit Ibër, duke shtuar se ka "shumë besim te Pieter Feith".