Shaban Murati promovon librin “Çështja shqiptare pas pavarësisë së Kosovës”
TIRANE- Publicisti dhe diplomati Shaban Murati përuroi sot librin “Çështja shqiptare pas pavarësisë së Kosovës”. Vepra është një analizë komplekse e çështjes shqiptare në rrethanat e krijuara pas krijimit të shtetit më të ri të Europës. Në promovimin e organizuar nga Instituti Shqiptar i Medias merrnin pjesë zv/kryeministri dhe ministri i Punëve të Jashtme, Ilir Meta, ambasadori i Kosovës në Tiranë, Gazmend Pulaj si dhe mjaft diplomatë, politikanë dhe njerëz të medias e fushave të ndryshme.
Në fjalën e tij, diplomati Shaban Murati tha se çështja shqiptare në Ballkan vazhdon të ekzistojë pavarësisht hapësirave dhe rrethanave të reja.
Ndërsa, zv/kryeministri dhe ministri i Jashtëm Ilir Meta u shpreh se Murati është një nga diplomatët më të njohur dhe më me përvojë të vendit. Ai e vlerësoi kontributin shumëvjeçar të Muratit në diplomaci dhe ftoi brezat e rinj të mësojnë nga kontribuesit me eksperiencë. “Zoti Murati është një nga diplomatët më të njohur që ka vendi ynë, me një përvojë të jashtëzakonshme dhe shumëpalëshe në shërbimin diplomatik, por edhe një publicist shumë i njohur dhe shumë i shquar. Ai ka sjellë një produkt shumë interesant për të gjithë e sidomos për ata me të cilët merren me çështjet e diplomacisë dhe historisë”, tha ministri i Jashtëm Meta.
Librin “Çështja shqiptare pas pavarësisë së Kosovës” e vlerësoi edhe ambasdori i Kosovës në Tiranë. Gazmend Pulaj tha se kjo vepër është një kontribut i vyer dhe një udhërrëfyes për interesat kombëtare. Edhe drejtori i Instutit të Medias, Remzi Lani u shpreh se diplomati Murati është një diplomat dhe analist me përvojë dhe ia sugjeroi lexuesve botimin e ri.
(e.n/BalkanWeb)
Në fjalën e tij, diplomati Shaban Murati tha se çështja shqiptare në Ballkan vazhdon të ekzistojë pavarësisht hapësirave dhe rrethanave të reja.
Ndërsa, zv/kryeministri dhe ministri i Jashtëm Ilir Meta u shpreh se Murati është një nga diplomatët më të njohur dhe më me përvojë të vendit. Ai e vlerësoi kontributin shumëvjeçar të Muratit në diplomaci dhe ftoi brezat e rinj të mësojnë nga kontribuesit me eksperiencë. “Zoti Murati është një nga diplomatët më të njohur që ka vendi ynë, me një përvojë të jashtëzakonshme dhe shumëpalëshe në shërbimin diplomatik, por edhe një publicist shumë i njohur dhe shumë i shquar. Ai ka sjellë një produkt shumë interesant për të gjithë e sidomos për ata me të cilët merren me çështjet e diplomacisë dhe historisë”, tha ministri i Jashtëm Meta.
Librin “Çështja shqiptare pas pavarësisë së Kosovës” e vlerësoi edhe ambasdori i Kosovës në Tiranë. Gazmend Pulaj tha se kjo vepër është një kontribut i vyer dhe një udhërrëfyes për interesat kombëtare. Edhe drejtori i Instutit të Medias, Remzi Lani u shpreh se diplomati Murati është një diplomat dhe analist me përvojë dhe ia sugjeroi lexuesve botimin e ri.
(e.n/BalkanWeb)