Shalsi: Berisha pengon decentralizimin

 

Deputeti socialist Eduard Shalësi, akuzoi dje kryeministrin Berisha se po pengon procesin e decentralizimit. “Sali Berisha po kërkon të ndalë një proces decentralizimi, që jo thjesht dhe vetëm cenon demokracinë vendore në Shqipëri, por rrezikon seriozisht integrimin Evropian”, u shpreh Shalësi gjatë një konference për shtyp dje në selinë e PS-së. Sipas tij, duke mos njohur asnjë pushtet tjetër dhe duke dashur të ketë nën thundrën e tij edhe pushtetin e pavarur vendor, për shkak të lakmisë dhe injorancës së tij për të kuptuar funksionimin e një shteti demokratik, Sali Berisha po kërkon të ndalë dhe të kthejë mbrapsht një proces decentralizimi.