Shamku: Qeveria po falimenton universitetet kryesore të vendit

Sipas kryetares së Komisionit të Edukimit në PS, Ledi Shamku "vendimi i Ministrisë së Arsimit për të financuar fakultetet mbi bazën e numrit të të regjistruarve çon në rrënimin dhe mbylljen e qendrave universitare". Sipas Shamkut "Shqiptarët nuk po i dëgjojnë më fanfarat e rrejshme të kësaj qeverie. Vendi sot drejtohet nga çeta Adhamudhësh që shërimin e kanë kuptuar si eleminim të të sëmurit". Sipas Ledi Shamkut vendimet e fundit të Ministrisë së Arsimit do të çojnë në mbylljen e qendrave universitare më të rëndësishme, si në Shkodër, Elbasan apo Gjirokastër. Në fund të fjalës kryetarja e Komisionit të Edukimit në PS tha se "Në momentin që PS do të vijnë në krye të vendit do të aplikojë një politikë më të përgjegjshme për arsimin".