Shefi i Pentagonit, vizitë surprizë në Kabul

Shefi i ri i Pentagonit, Leon Panetta ka zhvilluar një vizitë surprizë në Afghanistan. Ministri amerikan i Mbrojtjes, ka dashur të zhvillojë këtë vizitë surprizë tek trupat amerikane, të cilat janë të angazhuara në Afganistan.

Kjo është vizita e tij e parë jashtë vendit. Gazetarëve, të cilët e kanë shoqëruar gjatë vizitës së tij në Kabul, Panetta u ka thënë se fitorja përfundimtare ndaj Al Kaedës, do të arrihet nëse do të vriten edhe 20 liderët më të kërkuar.

Gjatë kësaj vizite, Panetta do të takohet edhe me presidentin afgan, Hamid Karzai.