Sheshi, nis puna per asfaltimin L.Ndoka
Menjehere pas urdhrit te kryeministrit Sali Berisha per te asfaltuar Sheshin Skenderbej, tre grupe inxhinieresh kane rendur ne drejtim te qendres per te kryer matjet topografike. Te organizuar nga Ministria e Puneve Publike, Transportit dhe Telekomunikacionit (MPPTT) specialistet kane vezhguar terrenin dhe me pas kane kryer matjet, ne menyre qe te mos zvarritet puna per mbushjen e gropave nepermjet asfaltimit.
Matjet
Specialiste te Ministrise se Puneve Publike jane pare dje paradite ne qender te sheshit duke kryer matjet topografike. Sipas Ministrise se Puneve Publike, jane ngarkuar tre grupe inxhinieresh qe te mbledhin te dhenat e punimeve. Nje proces i tille nuk pritet te zgjase me shume se 1 jave. Zevendesdrejtori i Pergjithshem i Rrugeve, Skender Cota beri te ditur dje se, "menjehere sapo te perfundoje matja do dale kostoja e projektit". Nga ana tjeter, inxhinierja Aleksandra Mahmutllari eshte shprehur se projekti do te shoqerohet me preventivet e punimeve, ndaj pikerisht per kete, si fillim po merren te dhenat qe do te vlejne per te kryer punimet dhe me pas per te hartuar edhe faturen financiare. Ndersa, punimet pritet qe te nisin shume shpejt, me asfaltimin e gjithe pjeses me gropa, qe ne fakt eshte shume problematike, por nga ana tjeter ekziston nje projekt sahume ambicion qe pritet te zbatohet. Keto levizje kane ndodhur vetem dy dite pasi qeveria paralajmeroi se nuk do te prese Bashkine te rikonstruktoje sheshin ne qender te Tiranes, porse do te niste vete nga asfaltimet.
Konflikti
Konflikti me i fundit qeveri-bashki ka sjelle ne vemendjen e njerezve edhe nje here precedentin e Zogut te Zi qe solli lenien pergjysme te ketij projekti. Edhe ne kete rast, Bashkia e Tiranes ka "akuzuar" qeverine se ceshtja po behet "alla Zog i Zi" dhe se bashkia nuk ka nevoje per asfalt qeveritar. Ndersa kryeministri Sali Berisha ka kerkuar shtrimin me asfalt te sheshit, ka reaguar ashper bashkia, duke u shprehur se ky institucion e ka gati nje projekt ambicioz per qendren. Qendrimi zyrtar i bashkise kishte te bente me kerkesen e shumeperseritur per shpronesim te banoreve qe preken nga ky projekt, me qellim fillimin e punimeve. Ne daljen publike te pak diteve me pare, zedhenesja per shtyp e bashkise ka sugjeruar qe, nese kryeministri do te kontribuoje per Tiranen, le te zbatoje ligjin qe e detyron qeverine te beje shpronesimet dhe le te cliroje fondin e premtuar prej tij para dy vitesh, per te hapur segmentin rrugor ne verilindje te sheshit. Po sipas saj, fillimi i punimeve ne sheshin "Skenderbej" eshte ceshtje ditesh.