Taske-Force per minierat ne rrezik

Nje Task-Force do te inspektoje minierat ne Bulqize, pasi situata ne keto miniera eshte shqetesuese per shkak se, punohet ne zona te rrezikshme ne miniere. Ministri i Energjetikes, Dritan Prifti eshte treguar dje i gatshem per ngritjen e njesise se inspektimit, gjate inaugurimit te Repartit te Inspektimit te Shpetimit te Minierave (RISHM-it,) ne Tirane. "Ne po krijojme nje Task-Force kryesisht per zonen e Bulqizes, me ne krye prefektin e qarkut dhe pjesemarrjen dhe te ministrise, zyres se tatimeve, Policise se Shtetit pasi ne fakt ne Bulqize, eshte krijuar nje situate shqetesuese si per shtetin edhe per ne", tha Prifti. "Besoj se, ne keto tre-kater dite do te firmoset ky plan veprimi i perbashket i disa ministrive dhe instancave te tjera te shtetit, per te forcuar ligjshmerine atje, per te forcuar dhe garantuar siguri ne pune shendetin e njerezve",-tha ai. Prifti ka denoncuar se ne "miniera punojne dhe minorene". "Kemi informacione shqetesuese se punohet ne zona te rrezikshme. Ndonjehere aktivizohen dhe njerez qe nuk kane mbushur moshen e punes, per te punuar ne keto miniera. Keto jane detyrat tuaja kryesore per te mos i lejuar te ndodhe", pohoi ministri. Prifti tha se plan veprimin do te konsultohet dhe me kryeministrin Berisha, ndersa shtoi se inspektoret kane nje detyre te veshtire, ate te kontrollit te nje zone mjaft te veshtire.